قازاقستان قۇراما كومانداسى العاش رەت ينفورماتيكادان ەۋروپالىق جاسوسپىرىمدەر وليمپياداسىنا (European Junior Olympiad in Informatics) قاتىستى, - دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.
جاس پروگرامميستەر اراسىندا وتكەن حالىقارالىق جارىستا قازاقستاندىق وقۋشىلار جاقسى ناتيجەلەر كورسەتتى. بيىل وليمپياداعا 27 مەملەكەتتەن 90-نان استام وقۋشى قاتىستى. قۇراما كوماندا مۇشەلەرى ۇلتتىق جارىستار قورىتىندىسى بويىنشا انىقتالعان بولاتىن. سايكەسىنشە, قازاقستاندىق قۇراما كوماندا مۇشەلەرى – ينفورماتيكا ءپانى بويىنشا رەسپۋبليكالىق وليمپيادا جەڭىمپازدارى مەن جۇلدەگەرلەرى.وليمپيادا قورىتىندىسى بويىنشا قازاقستاندىق وقۋشىلار جاقسى ناتيجەلەر كورسەتىپ, جوعارى ماراپاتقا يە بولدى.
ۆان لي – التىن مەدال; تايماس كورعانباەۆ – كۇمىس مەدال; ءادىل سۇلتانوۆ – قولا مەدال; رامازان پەردەباي – قولا مەدال.
بيىل European Junior Olympiad Informatics (EJOI) ۇيىمداستىرۋ كوميتەتى وليمپيادانى ونلاين رەجيمدە وتكىزۋ تۋرالى شەشىم قابىلداعان بولاتىن.